Поранешниот министер за правда на Бугарија, Данаил Кирилов поднесе оставка и од позицијата на пратеник откако претходно се повлече од министерската функција.
Бугарските медиуми пренесоа дека таквата одлука била донесена по разговорите меѓу Кирилов и бугарскиот премиер Бојко Борисов.
Пред да стане министер за правда, Данаил Кирилов беше пратеник на партијата ГЕРБ во три национални собранија.
Пет години Кирилов беше и претседател на Правната комисија на Бугарија.
Тој беше избран за министер на местото на Цецка Цачева во април 2019 година, кога поранешниот претседател на Собранието поднесе оставка заради скандалот „Апартментгејт“.