Хрватскиот премиер Андреј Пленковиќ денеска на првата седница на Владата изјави дека попладне ќе биде потпишан Протоколот за зголемување на безбедносните мерки во училишните институции, а еден од нив е вработување на лица со потребните вештини за заштита.
По трагедијата што се случи на последниот ден од првото полугодие во загрепското основно училиште „Пречко“, изготвен е предлог за основни мерки за зајакнување на безбедноста во училиштата.
„Заедничка цел е да се зголемат безбедносните мерки во сите училишта. Она што тие го оценија е дека најдобро долгорочно решение е вработување во училишните институции, преку систематизација и едукација, лица кои ги имаат потребните вештини за заштита, а притоа време, се посебно сензибилизирани и едуцирани за работа со деца, родители и наставници и кои потоа трајно би помогнале безбедноста на училиштата да се подигне на повисоко ниво по оваа голема трагедија што се случи во основното училиште Пречко“, рече премиерот на отворениот дел на седницата на Владата.