Претседателот на Обединета Србија, Драган Марковиќ Палма вчера го осуди насилството пред српскиот Парламент и обидот за влез во Парламентот го нарече терористички чин.
– На изборите на 21 јуни, граѓаните одлучија кој треба да влезе во Собранието. Ова насилство пред Собранието го организираа неуспешни политичари, кои не се во состојба да постигнат никаков резултат на изборите, па затоа се обидуваат да дојдат на власт со насилство, рече Марковиќ.
Тој оцени дека настаните пред Парламентот се „терористички чин“ и оти лидерите на таквиот „терористички чин“ мора веднаш да бидат уапсени.