Поранешниот премиер на Словенија, Борут Пахор најави дека ќе се кандидира за претседател на државата, јавија словенечките медиуми.
Пахор од функцијата, премиер на Словенија, си замина во септември 2011. година, кога парламентот изгласа недоверба во неговата влада. Тој смета дека е дојдено време да учествува во трката за претседател на Словенија.
„Не сакам само да нагаѓам за иднината на нашиот народ, сакам да учествувам во креирањето на таа иднина, изјави Пахор на конгресот на неговата Социјалдемократска партија во Кочевје, пренесуваат агенциите.
На есенските избори за претседател на Словенија, досега свои кандидатури најавија, актуелниот претседател Данило Тирк, европскиот пратеник, Милан Звер, претседателот на вонпарламентарната Словенечката национална странка, Змаго Јелинчиќ и независниот кандидат Марко Кожар.