Две празни гондоли од ски-лифт во скијачкиот центар Канин во северозападниот дел на Словенија денес се срушиле откако челичниот кабел излетал од лежиштето, а според претставниците на туристичкиот центар, нема повредени.
Алеш Уршич, шеф на скијачкиот центар Канин, каде што се наоѓа патеката на највисока надморска височина во Словенија, рече дека по паѓањето на гондолите никој не бил повреден, додавајќи дека во тек е спасувачка мисија за да стигнат до двајца скијачи кои останале заглавени во една гондола кога жичарата застанала.
Според неговите зборови, причината за паѓањето на гондолите во скијачкиот центар, кој се наоѓа во близина на границата со Италија, ќе биде познат за неколку дена.
Како што објави словенечката телевизија РТВ Словенија, спасувачките екипи се очекува лесно да стасаат до блокираните скијачи, со оглед на тоа дека гондолата во која се заглавени, застанала над релативно достапен терен.