Србинот Милан Д., околу 11 часот е тешко ранет кога пукале припадници на „Росу“. Тие отвориле оган врз возилото што го возел Милан на мостот Бистрица, на магистралниот пат Косовска Митровица-Лепосавиќ.
Во пределот на градниот кош е погоден Милан Д., кој има прострелна рана и е на интензивна нега но е во стабилна состојба во болницата во Краљево.
Неговиот совозач Душан С. е неповреден.
„Специјалците Росу на Курти немаат што да бараат на север на Косово, како и на овој пункт кој е диво изграден, а од кој секојдневно се вознемирува српскиот народ што поминува“, изјави Петар Петковиќ, директор на Канцеларијата за Косово и Метохија.
„Очигледно е дека Курти не се двоуми да дозволи да тече српска крв и тоа е единствената цел на постоењето на неговите ескадрони на северот на Косово“, заклучи Петковиќ.