Санкциите, кои САД ги воведе против претседавачот со Претседателството на Босна и Херцеговина Милорад Додик, остануваат во сила, потврди заменикот државен секретар на САД Џон Саливан, кој се сретна вчера в Сараево со членовите на тричленото босанско Претседателство.
– Се сретнав со претседавачот на Претседателство со Додик и другите двајца негови членови, бидејќи ја почитувам таа институција. Ја почитуваме демократијата и одлуката на граѓаните да изберат членови на Претседателството, но тоа не го менува статусот на Додик кога станува збор за санкциите, истакна Саливан.
САД во јануари 2017 година воведоа санкции против Додик на основа на указот, со кој се дозволува „да се воведат санкции против лица и организации, кои го поткопуваат или е можат да го нарушат Дејтонскиот договор од 1995 година“.