Српскиот парламент дури денеска ќе гласа за предложениот кабинет од страна на премиерот Ивица Дачиќ и за владината програма, соопштија агенциите, повикувајќи се на парламентарни извори.
Вчера почнатото заседание на парламентот траеше до раните утрински часови.
„Ќе работиме додека не се исцрпи времето за искажување на сите ставови и ќе гласаме денеска попладне“, изјави Млаѓан Динкиќ, кој е предложен за министер за економија и финансии.
Расправата за составот на новата влада почна со пет часа задоцнување и времето беше продолжено заради мноштвото процедурални проблеми.