Анкарското Обвинителство одлучи да не започнува истрага по тужбата на опозицискиот пратеник против премиерот и претседателот на Турција поради нивна поврзаност со убиството на 34 селани по грешка од страна на турската армија.
Пратеник на опозициската Републиканска народна партија (ЦХП) и член на Комисијата за човекови права Махмут Танал бараше да се покрене истрага за евентуалната одговорност за случајот односно кој издал наредба за нападот, како и за извршителите, за обезбедувачите на разузнавачките информации и за началникот на Генералштабот на турската армија.
Но, анкарското Обвинителство денеска одлучи во истрагата да не бидат вклучени премиерот Реџеп Таип Ердоган и претседателот Абдула Ѓул.
На 28 декември минатата година турската армија по грешка уби 34 селани, мислејќи дека се припадници на Курдската работничка партија (ПКК).