Нуркачи од српската жандармерија утринава излегоа на Дунав кај Апатин да трагаат по две момчиња на возраст од 9 и 10 години кои исчезнале вчера околу 14 часот во близина на кајакарскиот клуб. Се претпоставува дека момчињата се удавиле.
На брегот е пронајдена детска облека, патики и велосипеди.
Синоќа се собраа семејства и мештани да помогнат во потрагата.
Покрај нуркачи од Жандармеријата, ангажирана е и полицијата. Потрагата е отежната поради слабата видливост и високиот водостој на Дунав.