Осум луѓе беа хоспитализирани во Грција откако група приврзаници на Златна зора нападнаа членови на Комунистичката партија додека лепеле плакати во градот Перама близу Пиреја, објави Катимерини.
Полицијата соопшти дека инцидентот се случил пред полноќ кога група од околу 50 луѓе вооружени со метални шипки нападнале околу 30 приврзаници на Комунистичката партија. Комунистичката партија остро го осуди нападот и ги повика сиромашните и невработени Грци да ги „изолираат фашистичките хилигани“.
Партијата за денеска повика на протести во Перама. „Нападот го потврдува нацистичкиот карактер на Златна зора, се вели во соопштението од Комунистичката партија.