Новата рунда разговори меѓу Белград и Приштина ќе почне на 19 февруари во Брисел, соопшти денеска портпаролот на високиот претставник на Европската унија, Маја Коцијанчиќ.
Следниот состанок на дијалогот ќе биде одржан следната недела во Брисел. Домаќин ќе биде високата претставничка Кетрин Ештон, а двете страни ќе бидат претставени од премиерот на Србија Ивица Дачиќ и премиерот на Косово Хашим Тачи. Состанокот ќе почне во вторник, 19 февруари, се наведува во соопштението.
Дачиќ денеска изјави дека претстои најтешкиот дел од дијалогот со Приштина, бидејќи мора да се реши прашањето за паралелните институции во Косово.