Десничарскиот кандидат Никос Анастасиадис со 57,48 проценти од гласовите победи во вториот круг од претседателските избори на Кипар.
Разултатите објавени на интренет-страницата на кипарското Министерство за внатрешни работи покажуваат дека левичарот Ставрос Малас освоил 42,51 отсто од гласовите. Тоа е една од најголемите разлики во последните 30 години.
Анастасиадис го поддржува брзото склучување на договор со Европската унија и Меѓународниот монетарен фонд за да се избегне заканата од банкрот на земјата. Кипар во јуни 2012 година почна преговори со ММФ, ЕУ и Европската централна банка за добивање финансиска помош, која според првичните оценки изнесува околу 17 милијарди евра.