Страшна сообраќајна несреќа се случи денес во Сараево кога трамвај „излета“ од шините, при што загина едно лице.
Трамвајот, кој се движеше од Железничката станица кон Башчаршија, излета од шините на раскрсницата во близина на Националниот музеј и Амбасадата на САД и заврши на патот.
Според првите официјални информации од Министерството за внатрешни работи на Сараевскиот кантон, едно лице загина, а четворица се повредени.
„Во несреќа со трамвај во центарот на градот загина едно лице. Според моменталните податоци, повредени се четири лица. Известен е обвинителот“, потврди портпаролката на Министерството за внатрешни работи Мерсиха Новалиќ.
Голем број полицајци и пожарникари се на местото на настанот, а амбулантни возила во неколку возила ги однеле повредените во болница.