Европската безбедност не може да биде без демократија, просперитет и безбедност на Запден Балкан, изјави Натали Точи, специјална советничка на Федерика Могерини, висок претставник на ЕУ за надворешна политика и безбедност.
– Западен Балкан е составен дел од Европа, а тој еден ден ќе биде и составен дел од ЕУ. Според тоа, европската безбедност зависи од Западен Балкан, колку и од членките на ЕУ. Не може да има европска безбедност без демократија, просперитет на Западен Балкан -изјави Точи за Јуропиан Вестерн Балканс.
Таа додаде дека никогаш не слушнала европски официјален претставник или политички лидер јавно или зад затворени да сугерира дека Западен Балкан нема да биде дел од Унијата.
– Процесот на членство е многу моќно надворешнополитичко оружје, но целта за Западен Балкан е само проширување, изјави Точи.
Во врска со улогата на надворешните актери на Запден Балкан, пред се Русија и Турција, таа вели дека „навистина е клучно ЕУ да зајакне отпорноста на Западен Балкан дозволувајќи им на државите од регионот да пружат отпор и да се оддалечат од надворешното дестабилизирачко влијание“.
– ЕУ е свесна за фактите дека проширувањето не е неминовно и оти заморот од ЕУ може да почне да се чувствува на Западен Балкан. Според тоа, потребата на ЕУ е денес да се даде конкретна корист за граѓаните на Западен Балкан за да се обезбедат реформи во регионот со еднаква брзина, нагласи Точи.