Еден мигрант загина, а неколкумина се уапсени од српската полиција во близина на српско-хрватската граница, извести вечерва српското МВР.
Припадници на Министерството за внатрешни работи на Управата за гранична полиција спроведоа засилена контрола на движењето на мигрантите на подрачјето помеѓу Шид и границата со Република Хрватска, извести српското МВР.
– Во споменатата операција, при пребарување на подрачјето е откриен импровизиран камп каде што престојувале нерегуларни мигранти. За време на преземените мерки и дејствија, нерегуларните мигранти пукале кон полицијата. Еден нелегален мигрант е убиен, додека четири лица се приведени на местото на настанот, а неколку лица избегаа и се трага по нив, велат од полицијата.
Во тек е истрага на лице место, а на терен се припадници на Полициската управа Сремска Митровица и надлежниот обвинител на Вишото јавно обвинителство, кои ја водат истрагата и ги утврдуваат сите околности на овој настан.
