НАТО и КФОР се целосно фокусирани на спроведувањето на мандатот на ООН за спроведување на безбедноста и овозможување безбедно опкружување и слобода на движење за сите заедници во Косово, во согласност со резолуцијата 1244 на Советот за безбедност на ООН од 1999 година.
Претседателката на Собранието на Косово и в.д. шеф на државата, Вјос Османи побара реакција од ЕУ и НАТО на споредбата на српскиот претседател Александар Вучиќ, на Косово со Нагорно-Карабах, што таа го оцени како закана за војна.
I expect the European Union & NATO to respond to this threat for a violent war, made by Vucic. https://t.co/Pcalosdf9x
— Vjosa Osmani (@VjosaOsmaniMP) November 12, 2020
„Очекувам дека Европската унија и НАТО ќе одговорат на оваа закана за војна, што ја направи Вучиќ“, објави Османи на „Твитер“.
Од воената алијанса нагласија дека го поддржуваат дијалогот меѓу Белград и Приштина.
„Ние, исто така, продолжуваме да го поддржуваме дијалогот со ЕУ меѓу Белград и Приштина како единствено можно политичко решение за стабилност на Косово, Западен Балкан и пошироко“, преку соопштение одговорија од НАТО.