Турските сили за безбедност убиле 11 курдски бунтовници во судири кај границата со Сирија и Ирак, а еден војник бил убиен во престрелка на друго место во Југоисточна Турција, соопштија турските власти.
Единаесет курдски бунтовници се убиени во вторникот во операција на турските сили во реонот на градовите Џизре и Силопи, округ Шарнак.
Во округот Ван силите за безбедност спровеле операција денеска наутро по сигнал дека членови на ПКК се кријат во куќа во реонот на градот Ерџис, соопштија вооружените сили. Еден војник бил убиен, а тројца ранети во судирот, што се уште трае.
Околу 40.000 лица загинаа во конфликтот, откако ПКК ги изврши првите напади пред 30 години.