Вишиот суд во Белград му го продолжи притворот за нови 60 дена на Владимир Кецмановиќ, таткото на момчето кое во ОУ „Владислав Рибникар“ уби девет негови врсници и чуварот на училиштето.
Притворот може да трае најмногу 60 дена.
На Кецмановиќ му е продолжен притворот поради околности кои укажуваат дека во случај да биде пуштен на слобода, за краток временски период ќе го повтори кривичното дело, како и поради основано сомневање дека сторил кривично дело за кое затвор е пропишана казна од над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, информираат од тој суд.
Во обвинението, Кечмановиќ се товари за тешко кривично дело против општата безбедност, а Миљана Кечмановиќ за кривично дело недозволено изработување, држење, носење и тргување со оружје и распрскувачки материи.
За овој случај, судењето започна, но судијата одлучи да го затвори судењето за јавноста на предлог на Вишото јавно обвинителство во Белград.