Обвинителот на Вишото јавно обвинителство во Белград, Никола Ускоковиќ изјави дека ниту еден детал од злосторството што се случи во училиштето „нема да остане неистражен“. Тој за Радио и Телевизија на Србија (РТС) објави дека за денеска е закажано сослушувањето на таткото на момчето, чијшто пиштол бил употребен за извршување на делото.
Тој се товари за кривично дело против општата безбедност и одредена му е мерка притвор во траење од 48 часа, при што истрагата продолжува, а потоа ќе биде изведен на распит во обвинителството. За кривичното дело што му се става на товар му се заканува казна затвор од две до 12 години.