На Србија и се заканува жед

Од:

Србија ќе има проблеми со суши и недостиг на вода додека не се изградат уште околу 20 хидроцентрали

Иако мислиме дека Србија е земја богата со вода, експертите предупредуваат дека состојбата не е добра.

Откако почнаа тропските горештини во Србија, се појави проблем од недостиг на вода во некои градови. Неодамна Прокупље остана без вода, а недостиг се јави и во други краеви во земјата.

Апели за штедење на вода стигнуваат од надлежните во Ниш, Нова Варош и од Белград.

Иако често мислиме дека Србија е богата со вода и дека можеме да ја трошиме дури и без потреба, соговорниците на Политика, искусни експерти од водостопанството, предупредуваат дека состојбата не е добра. На Србија и се заканува жед ако не се изградат уште околу 20 хидроелектрани, што би можело да чини околу 2 милијарди евра.

– Од историјата е познато дека Картагина била житница на стариот Рим. Меѓутоа, сега таму е пустина и тој топлотен режим е поместен кон север, во Италија, Грција или Шпанија, која на пример, изгради над 1.100 брани и акумулации. Меѓутоа кај нас има само 36 брани и акумулации за водоснабдување, а бидејќи ние сме во тоа подрачје каде климата се менува, јасно е дека мораме да се подготвиме за ова сценарио. Кога нема брани и акумулации, водата едноставно исчезнува и ја нема во месеците кога е најкритично. Ако брзо не изградиме акумулации, следните децении ќе бидеме жедни, бидејќи состојбата е исклучително тешка и неповолна, предупредува Владимир Танацковиќ, советник во Дирекцијата за вода при Министерството за земјоделство, шумарство, трговија и водостопанство.

Никола Марјановиќ, генерален директор на Јавното водостопанство – Србијавода, кое стопанисува со водостопанствени објекти и ресурси на територијата јужно од Сава и Дунав, потенцира дека нашата земја има доволно вода во апсолутни износи, но таа е нерамномерно распределена во просторот и во времето.

– Србија е една од малубројните земји каде во иста година можеме да имаме и поплави и суши. Тој проблем може да се надмине само на еден начин, а тоа е изградба на брани, т.е. основање на акумулации, објаснува Марјановиќ и потенцира дека техничката документација за долгорочно снабдување со вода во Србија е подготвена кон крајот на 80-тите години и со неа е предвидена изградба на 34 поголеми акумулации, вклучувајќи го и Косово.

Би можело да ве интересира

Голем пресврт: Пикси го повика отпишаниот голман на ЕП

Предраг Петровиќ

Уапсено е момчето кое претепа наставник во Бачка Паланка

(ВИДЕО) Снимка од моментот кога се урна рингишпил во Куршумлија: Повредени тринаесет деца

13 деца се повредени во Куршумлија, уапсен е сопственикот на рингишпилот

Горан Наумовски

Се урна рингишпил во Куршумлија, едно дете е тешко повредено, 12 деца минале со полесни повреди

Горан Наумовски

Кинескиот претседател Џипинг денеска во Србија