Во хрватските медиуми денес стојат наслови „Може ли следниот папа да биде Хрват?“.
Медиумите пишуваат дека постои реална можност, бидејќи новиот папа се бира од Кардиналскиот собир, во Сикстинската капела, меѓу кои од 120 кардинали се и двајца Хрвати, Јосип Бозаниќ и Винко Пуљиќ.
Секако дека постои можност, но шансите се мали. Од друга страна и кардиналот Бозаниќ и Пуљиќ се познати и признаени, и се наоѓаат во најдобрите години. Бозаниќ е член на ватиканските одбори. Пуљиќ од друга страна е познат по страдањата на својот народ во Босна – изјави за „Индекс“, експертот за канонско право, Станислав Витковиќ.
Според него доколку новиот папа не е Италијан, голема можност ќе имаат оние од Јужна Америка.
Витковиќ додава дека е тешко да се предвиди, но тој е сигурен дека папата Бенедикт нема да го избере својот наследник.
