Млад човек е убиен со огнено оружје на улицата „Гаврило Принцип“ во центарот на Белград.
По пукањето, човекот го возел своето возило во спротивната лента и се судрил со градски автобус. На автомобилот се видливи траги од куршуми.
Како што објавија српските медиуми, младиот човек починал на самото место.
Припадниците на Интервентната единица 92, постапувајќи според описот, ги пронашле двете лица осомничени за учество во овој инцидент и ги донеле во службени простории, а кај едниот од нив бил пронајден пиштол.
Брза помош и полиција се на местото на настанот, а улицата во моментов е блокирана.