Јаков Милатовиќ, кандидатот за претседател на Движењето Европа сега, убедливо води во вториот круг од претседателските избори, покажуваат првичните резултати.
Според прелиминарните резултати на Центарот за мониторинг и истражување (ЦЕМИ), врз основа на 69,7 отсто од преброените гласови, Милатовиќ освоил 60 отсто од гласовите, а кандидатот на Демократската партија на социјалистите (ДПС) Мило Ѓукановиќ 40 отсто.
Според податоците на ЦЕМИ, излезноста била 71 отсто. Центарот за демократска транзиција (ЦДТ) објави, според преброените 65,2 отсто од гласовите, дека Милатовиќ освоил 56,9 отсто од гласовите, а Ѓукановиќ 43,1. Претходно објавија дека излезноста била 70,7 отсто.