Грчки владини извори денеска го обвинија лидерот на Нова демократија (НД), Евангелос Меимаракис дека се обидува да го потроши времето што е клучно за иднината на земјата и го повикаа да покаже сериозност.
– До неодамна Меимаракис тврдеше дека тој не се плаши од избори и оти е подготвен. И сега тој се обидува да формира влада од сегашниот парламентот. Покрај тоа, тој прави креативни сценарија, со учество на пратеници на Сириза. Тој дури и планира да се сретне со лидерите на партиите што ги нарече поддржувачи на драхмата и со Златна зора, изјави анонимен претставник на грчката Влада.
Во меѓувреме, други владини извори соопштија дека Панајотис Лафазанис и 24 пратеници на Сириза кои ја формираа парламентарната група „Популарно единство“, јасно ја изразиле нивната намера да ја соборат владата на Алексис Ципрас.