Седумдесетгодишен турист од Македонија е спасен во последен момент откако изгубил свест додека се капел во морето во Неи Пори, Грција.
Благодарение на брзата реакција на дежурниот спасувач, избегната е трагедија.
Спасувачот веднаш забележал дека туристот е во неволја и без одлагање влегол во морето, по што успеал безбедно да го извлече туристот на брегот. На местото на настанот му била укажана прва помош и му бил даден кислород, по што мажот почнал да покажува знаци на закрепнување и повторно се освестил. Според грчките медиуми, по стабилизирањето на неговата состојба, туристот е пренесен во болница за дополнителни прегледи и медицински надзор. По два дена поминати во болничка установа, лекарите констатирале дека неговата здравствена состојба е стабилна, по што бил пуштен на домашно лекување.
Случајот уште еднаш ја потврдува важноста на присуството на обучени спасувачки екипи на туристичките плажи, чија навремена интервенција може да спаси човечки живот.
