Припадници на Министерството за внатрешни работи во Белград, Управата за криминалистичка полиција, во соработка со Првото основно јавно обвинителство во Белград, го уапсија македонскиот државјанин А. К. (42), поради постоење основи на сомнение дека сторил кривично дело измама.
Тој е осомничен дека лажно се претставил како хирург, заедно со неколку засега непознати лица, ја водел и ја одржувал оштетената во заблуда дека ќе изврши итна операција врз член на нејзиното семејство, кој наводно доживеал сообраќајна несреќа, за одреден надомест.
Полицијата го уапсила веднаш по предавањето на парите и кај него пронашла 16.650 евра и 150.000 динари.
Истражителите се сомневаат дека А.К. и лицата по кои се трага, во периодот од ноември минатата година до денес, извршиле неколку измами на територијата на Белград на ист начин и со тоа нелегално се стекнале со повеќе од 100.000 евра. На осомничениот му е одреден притвор до 48 часа, по што ќе биде приведен во надлежното обвинителство со кривична пријава.
