Мајката Сaнела С. и нејзината ќерка Марија С. на возраст од околу 18-години изгореа во автомобил кој се запали синоќа во сообраќајна несреќа во населбата Мала Босна кај Суботица.
Починатите биле од Таванкут.
Според првичните информации, се судриле „пасат“ и „фиат панда“. Мајката и ќерката трагично загинале бидејќи биле заробени во возилото додека горело.
На местото на несреќата а брзо пристигна возила на брза помош, пожарникари и полиција, кои укажаа помош на повредените и го изгаснаа пожарот.
Истрагата откри дека до несреќата дошло кога Ј.Т. (52) додека управувал со „пасат“, поради непрописна брзина, изгубил контрола над возилото и престигнал возило „фиат“ што се движело пред него и удрил во него. По судирот двете возила се превртеле на покривот, а „фиатот“ се запалил.
Двете лица од „фиатот“ починаа на местото на настанот, додека Ј.Т. и неговиот сопатник се пренесени во болницата во Суботица каде им се констатирани тешки телесни повреди и се задржани на понатамошно лекување.
Утврдено е и дека Ј.Т го управувал „пасатот“ со 2,07 промили алкохол во крвта и по наредба на Основниот јавен обвинител во Суботица ќе биде поднесена кривична пријава за сторено тешко дело против безбедноста на јавниот сообраќај.