Бугарските фудбалски легенди Христо Стоичков, Борислав Михајлов и Красимир Балаков преку својата фондација „Национал94“ ќе им помагаат на настраданите во пожарот во Кочани.
Преку фондацијата фудбалерите кои играа за Бугарија на СП 1994 г. ќе обезбедат средства кои ќе ги донираат.
„Нема датум и време за трагедија. После тоа остануваат само солзи и голема болка. Ние како Фондација „Национал94“ изразуваме сочувство до починатите. Фудбалот не приближи до народот во Македонија и важно е да ја дадеме нашата поддршка во овој момент“, велат од фондацијата