По полициските увиди било утврдено дека денешните дојави за подметнати бомби на повеќе локации во Белград се лажни, велат од МУП за РТС.
Потсетуваме, дојавите за бомби на 12 локации во Белград беа испратени на електронската адреса на телевизијата N1.
Во мејлот испратен од gmail адресата стои дека бомбите биле поставени во Студентскиот дом во булеварот Крал Александар, во Амбасадата на Белорусија во Делиградска 13, во ТЦ Ушче, во ресторанот КФЦ на Студентски плоштад, на аеродромот „Никола Тесла“, во трговскиот центар Делта Сити на улица Јуриј Гагарин, на Филозофскиот факултет, во зградата на Ректоратот, на Универзитетот за уметности, во КБЦ Земун, како и во обложувалниците Меридијанбет.