Рускиот министер за надворешни работи Сергеј Лавров смета дека САД и некои други западни земји се опседнати со идејата уште еднаш да загосподарат со Балканот.
– ЕУ има некои планови во тој поглед. Преговарачките процеси се во тек, а тука се вклучени Србија, заедно со Косово, Македонија и Црна Гора, истакна Лавров.
Тој додава дека Русија нема ништо против тие земји да станат дел од европската економска интеграција.
– Тоа е природно бидејќи географската положба предвидува заеднички механизми, заеднички простор и пазар, но се надеваме дека во иднина тој економски простор ќе го бара и останатиот дел на Евроазија, нагласи шефот на руската дипломатија.