Тројца хрватски планинари се водат како исчезнати откако лавина ги однела под врвот Тоска во Јулиските Алпи, Словенија. Спасувачките екипи од Радовљица, Бохињ и Јесенице, заедно со полицијата, се на терен, но хеликоптерите засега не можат да полетаат поради лошото време.
Според информациите од Полициската управа Крањ, група од седум Хрвати престојувала во Водниковата куќа во Веле Поле. Тројцата исчезнати ја напуштиле групата и тргнале понатаму и покрај неповолните услови.
Полицијата најави дека подоцна ќе објави повеќе детали за исходот на потрагата.