Медиумите во Приштина известуваат дека се случил најголемиот сајбер напад на косовските интитуции и дека истиот дошол од Србија, Босна и Херцеговина и дел на Македонија.
Газета Експрес онлајн пишува дека владата на Косово побарала од амбасадата на САД во Приштина да ги информира за овој голем хакерски напад, додека Коха ја пренесува изјавата на директорот на Агенцијата за информатичко општество, Кујтим Гаши кој вели дека тоа било само безуспешен обид за напад и дека бил успешно спречен.
-Денеска имаше сајбер напад на електронските адреси на косовските институции. Нападнати се и адресите на дипломатските мисии. Нападот дојде од Србија, Босна и Херцеговина и од дел на Македонија. Сите овие напади беа спречени, рече Гаши и кажа дека не е нанесена никаква штета.