„Ова е навистина еден од најсреќните денови во животите на сите нас“, порача Јадранка Косор.
Во хрватскиот Сабор, таа изјави дека на ослободителната пресуда за генералите Готовина и Маркач, гледа како на победа на Хрватска.
„Ова е величенствен ден за Хрватска, се докажа се она за што говоревме, што тврдевме и во кое бевме уверени, дека војната беше праведна, одбранбена и ослободителска, дека имавме право да ја браниме својата земја и дека нашите генерали Готовина и Маркач беа тие кои ја водеа победничката хрватска војска во ослободување на земјата“, изјави Косор.
