Новопоставениот командант на КФОР во Косово, Лоренцо Д`Адарио во новогидшното интервју за „Танјуг“ вели дека засега нема индикации дека би можело да се повтори нешто слично на ситуацијата од 2004 година, кога, како што наведува српската агенција, се случило албанско насилство над Србите во Косово и Метохија, а тој тогаш ја вршел должноста командант на батаљонот на НАТО на Мултинационалната бригада на Југозапад во операцијата „Одлучен напор“.
На прашањето како може да ја увери Србија дека тогашното насилство нема да се повтори, тој истакнал дека многу работи се промениле од 2004 година и дека општата ситуација е значително подобрена.