Приштинскиот весник „Коха диторе“ дошол до текстот на српската платформа за разговорите со Косово, со која се бара територијална автономија за четири општини во северот на Косово, како и за сите „српски општини“ во Косово.
Според документот во англиска верзија, која ја поседува Коха диторе, Белград бара главно начело на разговорите во Брисел да биде постигнување пакет договори.
– Во српската платформа со која Белград останува верен на позицијата искажана во Уставот на Србија, според која „ Косово е дел од Србија“ повторно се заколнува дека „не го признала и никогаш нема да го признае независно Косово“, – стои во написот на Коха диторе.
Во оваа политичка платформа, која е доставена до европските функционери, Србија, наведува низа услови и барања, кои, според преводот на оваа плаформа-или треба да се исполнат сите или ни еден од договорите нема да се спроведува.