Хрватскиот министер за финансии Славко Линиќ се закани, наредните два месеци министрите ќе можат да останат на минимална плата, поради потрошениот буџет.
Ова навестува и можно намалување на платите во државниот сектор во наредната година од пет до седум проценти, оценуваат аналитичарите.
Многу хрватски министерства, како што се за образование, за внатрешни работи, здравство, го натрфлија својот буџет, и тоа главно поради високите плати, а бидејќи следната година Хрватска ќе почне да исплаќа многу кредити, веројатно нема да има пари за сите.
Но додека најавата дека министрите може да добијат минимални плати, сите го сфаќаат како блеф и како чекор од кој никој нема да има полза, синдикатите се длабоко загрижени поради можноста за намалување на платите во државниот сектор.