Кипар планира да го продаде трговското име и логото на авиокомпанијата „Кипар ервејс“, што целосно прекина со работа на 9 јануари.
„Кипар ервејс“ целосно ги запре летовите на 9 јануари, откако Европската комисија нареди Кипар да ја повлече државната помош од 65 милиони евра за компанијата, јави БТА.
Според ЕК таквата помош дава на авиокомпанијата неоправдана предност пред конкурентите, што е спротивно на правилата на ЕУ.
„Кипар Ервејс“, која вработува околу 550 лица, со години губи средства и удел на пазарот.
– Наша цел е подобрување на воздушната поврзаност на Кипар, наоѓање работни места за персоналот на „Кипар ервејс“ и користење на трговските имиња, изјави владиниот заменик портпарол Виктор Пападопулос.