Кипар ќе и го предаде на Грција и Михалис Михаилидис, син на поранешниот кипарски министер за надворешни работи Динос Михаилидис кому ќе му се суди заедно со татко му за перење пари од зделки со оружје.
За тоа е обвинет и поранешниот грчки министер за одбрана Акис Цохаѕопулос. Одлуката за екстрадиција е донесена од Врховниот суд на Кипар.
Михаилидис кој беше министер од 1993-1999 година беше екстрадиран во Грција овој месец по судски процес за перење пари. Тој и неговиот син Михалис се обвинети дека не можеле да докажат потекло на 7,5 милиони евра откриени на сметка на татко му.
Цохаѕопулос поранешен министер за одбрана во крајот на 90-те години е обвинет дека добил поткуп за договор за оружје со германската фирма Феростал. Заради застареност на дело, тој е суден само за перење пари и може да добие затворска казна до 20 години.