Една 27-годишна жена киднапирана на 31 октомври во Атина е ослободена откако нејзиното семејство на киднаперите им платило откуп од 82.500 евра, јави дописникот на МИА од Атина.
Жената, чиј идентитет не се соопштува, била киднапиран во атинската населба Кипсели. Киднаперите се јавиле на нејзиниот татко и прво барале 10 милиони евра, но по долги преговори тие ја спуштиле сумата.
Таткото на жртвата ги предал парите и жената била ослободена во близина на местото каде што била киднапирана. Полицијата соопшти дека таа не била повредена.