Хрватската полиција потврди дека во несреќата кај Роготин погинале двајцата патници, а екипите се на терен во потрага по остатоците од малиот авион. Авионот се урнал на левата страна на Неретва во близина на ридот Козјак.
Хрватските медиуми известуваат дека за падот на авионот јавиле локалните жители по што Државната управа за заштита и спасување подоцна потврдила дека двајцата патници, пилотот и неговата сопатничка се погинати.
Според хрватските медиуми се работи за ултралесен хидроавион кој не бил регистриран, а неговиот лет не бил пријавен.