Поради непостоење посебен закон со кој ќе се уреди командниот систем во случај на терористички напади, хрватскиот Закон за одбрана оневозможува дејствување на Военото воздухопловство и Воената морнарица дури во случаи на терористички и воени напад кои би го повредиле суверенитетот на Хрватска, објави „Јутарњи лист“.
Весникот наведува дека за таквата „апсурдна ситуација“ виновни се Министерството за одбрана, Владата и Парламентот, бидејќи го одобриле Законот за одбрана, според кој е оневозможено дејствувањето на воените авиони и бродови.
„Јутарњи лист“ посочува дека со таквата формулација Владата и Саборот ги оневозможуваат Вооружените сили да го бранат суверенитето на земјата дури и во случај на воен напад.