Автоматското предоговарање, познато како роловер (rollover) на долгот не е варијанта за покривање на недостигот од шест милијарди евра за Грција, според спасувачката програма која во моментов е во сила, изјави Јорг Асмусен, член на Управниот одбор на Европската централна банка, јави ДПА.
– Треба да пронајдам начин да ја затворам таа дупка во финансирањето и нема апсолутно никаков начин тоа да биде направено преку автоматско предоговарање со обврзници или со друг инструмент, кое би довело до парично финансирање. Тоа не е можно за ЕЦБ и целата еврозона – рече Асмусен во Луксембург.