Романија се претвора во модел за други земји во однос на борбата против корупцијата, изјави денеска претседателот Клаус Јоханис, кој присуствува на претставувањето на годишниот отчет за дејноста на Националната дирекција за борба против корупцијата за 2014 година.
Тој рече дека е задоволен од резултатите од дејноста на антикорупциската агенција и од постигнатите резултати во изминатата година.
Јоханис во врска со истрагите на Националната дирекција за борба против корупцијата против политичари, рече дека треба да биде надмината ситуацијата, во која Парламентот се спротивставува на истраги врз негови членови.