Пораешниот грчки министер за финансии Јанис Стурнарас беше нзначен за нов гувернер на Централната банка на Грција за наредните шест години, се вели во соопштението на банката.
Стурнарас ќе го замени Јоргос Провопулос, чиј мандат истекува на 19 јуни. Одлуката за избор на Стурнарас како нов гувернер на банката е донесена едногласно и се очекува да биде одобрена од кабинетот.
Стурнарас беше сменет од Гикас Хардувелис на функцијата министер за финансии, при извршената реконструкција на владината коалиција во Атина.