Шефот на мисијата на ОБСЕ на Косово, Јан Брату изјави дека би бил „добар знак“ доколку косовските институции повеќе не бараат помош од ОБСЕ, и во тој случај би им рекол „довидување“.
– Организацијата ве прашува како да ви помогне доколку ви треба помош. Но ако вие кажете дека не ви е потребна помош, ќе бидам среќен и тоа е многу добро, истакна Брату на средбата со претседателката на Централната изборна комисија, Валдета Дака околу организирањето на парламентарните избори на Косово.
Потсетувајќи дека ОБСЕ помогнал во изборниот процес во четири општини во северниот дел на Косово во 2013 година, Брату нагласи дека оваа година поддршката ќе биде помала.
Дака изјави дека е задоволна што ОБСЕ ќе има „ограничена“ улога во изборниот процес, обезбедувајќи техничка поддршка.