Претседателката на Косово, Атифете Јахјага денеска почна кампања за спречување на економската миграција со посета на Вучитрн, општина каде е забележан најмасовен одлив на населението.
Јахјага придружена од градоначалникот на Вучитрн, Бајрам Мулака, разговараше со жителите на Општината, кои се огорчени поради економската ситуација во Косово и кои бараат отворање на работни места и подобра перспектива како услов за останување.
– Идната недеа се навршуваат седум години откако Косово стана независно. Јас сум со вас, а вашата огорченоста и загриженост се и моја загриженост. Вие не треба да бегате туку да останете со нас, бидејќи најлесно е да се побегне и да се сврти грб на Косово. Потешко е да се остане овде, но заедно треба да најдеме решение, посочи Јахјага.
Од Вучитрн во западните држави до минатиот вторник мигрирале 406 лица.