Таткото на девојчето кое за време на пукањето истрчало од училницата вели дека таа му рекла дека тоа е нивен соученик, инаку одличен ученик, кој со ладен израз на лицето влегол во училницата и пукал.
Како што рече, кога дошол пред училиштето имало многу полиција, го видел психологот, професорка…
– Излегував од дома, одев во банка, поминав покрај училиштето и видов многу полиција. Беше околу 10 до 9, ги видов сите вработени напред и сите беа во шок. Ми кажаа дека наставникот по историја бил застрелан. Се прашував каде е моето дете, се вратив да го разгледам распоредот на часовите и видов дека моето дете моментално е на час по историја. Ја повикав сопругата, пак излегов надвор. Во училиштето видов дека чуварот лежи под бирото на влезот на училиштето. Веднаш прашав што се случува, каде е моето дете, никој не знаеше ништо да ми каже, изјави Милан Милошевиќ, таткото на девојчето кое успеа да побегне од училницата и додаде дека дури подоцна дознал дека неговата ќерка успеала да побегне од пукањето.
Според него, агонијата траела се додека не дознал дека ќерка му и се јавила на мајка си.
– Подоцна дознав дека моето дете било на Цветниот плоштад, дека контактирало со мајка си. Таа била во училницата каде се случило пукањето, тој прво пукал во учителката, а потоа и во учениците кои биле под клупите. Моето дете истрчало надвор. Во шок сме. Дознав пред училиштето, едно девојче имаше целосно крвава маица, видела две девојчиња како лежат крвави, со главите преку клупа. Велат тоа момче било мирен и добар ученик, веројатно не бил пресметлив. Наставниците се шокирани што можел да го направи тоа – изјави за српските медиуми, таткото.
Милан Милошевиќ вели дека Коста Кецмановиќ бил примерен ученик.
– Во саботата требаше да славиме роденден на нашата ќерка, за сите тие деца да дојдат кај неа. Тој одеше со неа во одделение, бил мирен и вели дека не направил никакви инциденти. Вели дека некои други ученици го задевале. Ќерката вели дека бил совршен ученик, дека малку пелтечел додека зборувал. Неговиот татко е одличен специјалист, радиолог. Медиумите сега велат дека одел на пукање, децата треба да бидат што подалеку од тоа. Како дошло до ова, останува да видиме. Другарка на ќерката вели дека имал два шаржери, испаднало дека има пет. Велат дека го менувал полначот на пат кон училницата. Но, на што укажуваат четирите молотови коктели? Тоа укажува на американските филмови, интернетот. Таа вест до сега ни доаѓаше само од Запад. Како што ги сфаќаме размерите на трагедијата, се чувствуваме потешко и потешко.
Таткото на девојчето кое успеа да побегне за време на пукањето вели дека неговата ќерка за влакно ја избегнала смртта.
– Ќерка ми за влакно ја избегна смртта. Таа вели дека кога влегол во училницата и почнал да пука, го погледнала во очи и вели, дека ја погледнал и почнал да пука во друга насока. Убиени се две девојчиња кои биле пред неа. Кога излезе списокот видовме дека ја нема на списокот, но на списокот ги немаше ниту девојките што седеа пред неа кои беа убиени – изјави Милан.