Парламентот на Република Српска синоќа ја избра новата влада на РС на чело со премиерката Жељка Цвијановиќ, која веднаш порача дека стабилноста на институциите и финаниската оддржливост ќе бидат во центарот на активностите на владата и нејзина примарна цел.
Изнесувајќи го експозето пред пратенциите на Собранието на РС, Цвијановиќ нагласи дека работата на оваа влада ќе ја одбележи борбата за зачувување на секое работно место, фискалана и социјална стабилност, реформирање на деловниот амбиент, создавање простор за странски и домашни инвестиции.
-Сето ова се настојувања да ги рехабилитираме принципите на социјална правда, да ја унапредиме транспарентноста во работата на институциите и трошењето на јавните средства, останеме стабилни во услови на изложеност на одредени политички процеси и да не ја изгубиме од вид потребата владата да биде проевропска и активна во процесот на европски интеграции, изјави Цвијановиќ.
За владата на Цвијановиќ гласаа 50 пратеници, 22 беа против, а тројца воздржани.
Таа во завршниот збор изјави дека од пратениците слушнала одредени забелешки кои секако ќе ги вметне во програмата за работа на новата влада.