На денешната Конференција на претседателите на парламентарни клубови во Европскиот Парламент, што се одржа во Брисел, прифатен е предлогот на Клубот на Европските народни партии, а на иницијатива на потпретседателот на Одборот за надворешни работи, Андреја Пленковиќ, што беше поддржан од сите хрватски европратеници, во дневниот ред на Парламентот да се вметне итна резолуција за Воислав Шешељ.
Како што се сопштува од ЕП, цел на оваа итна резолуција е осуда на однесувањето и воено-поттикнувачката реторика на хашкиот притвореник Воислав Шешељ, особено по одлуката на Расправниот совет на Меѓународниот кривичен суд за поранешна Југославија за негово привремено пуштање на слобода.
Европскиот Парламент, како што се наведува, на овој начин јасно ќе се спротивстави на истапите на Шешељ што јасно укажуваат на прекршување на владеењето на правото, територијални претензии кон други држави и заговарање на проектот „Голема Србија“ – вклучувајќи ја и Хрватска како членка на ЕУ, односно нарушување на стабилноста и соработката меѓу земјите во регионот.
Денеска почна усогласувањето на текстот на резолуцијата, а следната недела, на пленарна седница во Стразбур, ќе се оддржи и расправата, а по неа и гласањето.